بقلم أمنية عفيفي
● ١٧ ديسمبر ٢۰١٨
آسيا
أسلوب الحياة
الطبيعة والحياة البرية
أكتب لكم اليوم معبرة عن رأيي حول أحد رحلاتي الرائعة إلى سريلانكا مستخدمة عاميتي المصرية للتعبير ببساطة وكما أتحدث مع أصدقائي تماماً.
أقدر أقول جملة افتتاحية بسيطة وهي إن “أجمل الأماكن مش هي أشهرها على الإطلاق”.
نقدر نقول إن فيه حاجات كتير أوي بتحدد خريطة السياحة العالمية، زي الاستثمارات الأجنبية داخل البلد، الدعاية، خطوط الطيران، مصالح الدولة، وصفات اجتماعية زي العنصرية، العنجهية، النشاط، الفتور، وغيرها.
الجانب السلبي في إن بلد معينة ممكن تتشهر وتتحط على خريطة السياحة الدولية، إنها بتتحول لبلد مزدحم بثقافات مختلفة للمطاعم والأسواق والاستثمارات الأجنبية وده بيخلق رواج سياحي، لكن المكان بيفقد هويته، زي مثلاً إنك تلاقي نفسك بتاكل في مطعم أوروبي في آسيا أو مطعم امريكاني في أوروبا.
في البلاد ذات الشهرة السياحية عالمياً هتلاقي نفسك خلال تجوالك ماشي في مكان كله أجانب، لا شفت أهل البلد ولا فهمتهم، والنتيجة هي رحله سطحية، أه شفت حاجة حلوة، عملت حبة أكتيفتيز، غيرت جو، خدت شويه فوائد من السفر بس أكيد مش كلها، والسبب هشرهولكوا:
كل مكان وكل ركن في العالم فيه روح بتميزه، بتميزه هو بس، الروح دي خليط من ثقافة البلد، وعاداتهم، وطريقه تعاملهم مع بعض ومع المختلف عنهم، معتقداتهم، أكلاتهم، تراثهم، ومزيج ونسيج من حاجات كتير أوي، والحاجات دي مش هتعرفها ولا تحسها غير وانت ماشي وسطهم، في قراهم وشوارعهم، بين بيوتهم الصغيرة، وفي محلاتهم، ومش هتفهمها غير لما تتكلم، وتسأل، وتسمع، وتبص في عيونهم وتركز، وتشوف التشابه والاختلاف بينهم من خلال إنك تتواصل معاهم بشكل حقيقي.خسارة وألف خسارة إنك تلم هدومك وتسافر آخر الدنيا وتدفع كتير أوي من غير ما تعرف ولا تحس روح المكان.
لو كنت بتدور الكمال لرحلتك السياحية، فالكمال في الاختلاف، في التغيير، الكمال في إنك تروح أبعد نقطه عنك، عن اللي عارفه ومتعود عليه، وتفهمه، وتقبله.
عشان روحها لسة موجودة، وعشان الجمال الرباني اللي مالوش وصف تعبيري، ومش هتفهمه ولا تحس بيه غير لما تشوفه .
مفيش صورة هتبين الجمال ده أو توضحه، غير إنك تتعايش جواه بنفسك، لأن سريلانكا بجمالها لسة بسيطة، أصيلة، ومختلفة.
فيه مفهوم غريب إن البلاد الفقيرة مش نضيفة، وده كذب، فيه مفهوم ان البلاد الفقيرة مش متحضرة، كذب. كمان ل اللي فهمته إن في خلط كبير عندنا بين البلاد الصغيرة، والبلاد الفقيرة وده فرق كبير جداً ممكن نتكلم عنه لاحقاً.
لحد قبل السفر بيوم كل الناس كانت بتسألني؟
فين سريلانكا؟
ليه سريلانكا؟
متأكدة إنك عايزة تروحي سريلانكا؟
أعتقد إن شرحي ليكم لمفهوم الشغف بالأصالة هيفسر سفري لبلد فيها نقاء طبيعي بدون تشويه في ثقافتها وروحها زي سريلانكا.
أمنية عفيفي
من الفن إلى الترفيه: دليلك إلى أكثر الفعاليات المنتظرة في أبوظبي لعام ٢٠٢٣
٩ أكتوبر ٢۰٢٣
نادي كرم: جعل السفر مجزيًا أكثر
١ يونيو ٢۰٢٣
ابها: أرض العجائب الصيفية في المملكة العربية السعودية
٣١ مايو ٢۰٢٣
التسوّق على الطريقة الباريسية: ٥ نصائح للتسوّق كالمحترفين
١٩ أبريل ٢۰٢٣
رمضان ٢٠٢٣ : أفضل ٩ فعاليات يمكن حضورها في السعودية
١٢ أبريل ٢۰٢٣
أجمل ١٠ قرى للريف الإنكليزي .. اكتشف جنات خضراء على ضفاف أنهار ساحرة!
١٥ أبريل ٢۰١٩
كورال بلوم – آخر إضافات مشروع البحر الأحمر بالمملكة السعودية
٢٣ فبراير ٢۰٢١
أفضل ٢٠ نصيحة سفر بعد ١٠ سنوات من التجوال حول العالم
١٤ يناير ٢۰١٩
الرياض اوايسس- أجواء ساحرة وسط الكثبان الرملية!
٢٨ ديسمبر ٢۰٢١
الشتاء على الأبواب .. خطط لرحلاتك السياحية في هذا الفصل بـ ٥ وجهات لا تُنسى
٢٤ نوفمبر ٢۰١٨
الهوية فريدة الأصالة لا ترتبط بشهرة الوجهات السياحية .. إحساس الطبيعة النقية يتحدث عن سريلانكا